۔
بہار کے راجگیر میں منگل کو نالندہ ضلع کے دیپ نگر تھانہ علاقے میں شیتلاشٹمی مندر میں بھگدڑ مچنے سے آٹھ لوگوں کی موت ہو گئی۔ پولیس ذرائع نے بتایا کہ عقیدت مند آج صبح مڈھا گاؤں کے شیتلاشٹمی مندر میں پوجا کرنے گئے تھے۔ زیادہ ہجوم کے باعث بھگدڑ مچ گئی۔ بھگدڑ میں آٹھ افراد ہلاک ہو گئے۔ مرنے والوں میں تمام خواتین تھیں۔
ذرائع نے بتایا کہ مرنے والوں میں سے پانچ کی شناخت دیونتی دیوی، ریکھا دیوی، مالو دیوی، چنتا دیوی اور کانتی دیوی کے طور پر ہوئی ہے۔ دیگر مرنے والوں کی شناخت نہیں ہو سکی ہے۔ اس واقعے میں کچھ لوگ زخمی بھی ہوئے۔ واقعہ کی اطلاع ملتے ہی پولیس اور انتظامیہ کے اعلیٰ افسران جائے وقوعہ پر پہنچے اور وہیں ڈیرے ڈالے ہوئے ہیں۔
