۔
نئی دہلی: کانگریس صدر ملکارجن کھرگے نے کرناٹک سے دوبارہ منتخب ہونے کے بعد پیر کو پارلیمنٹ ہاؤس میں راجیہ سبھا کے رکن کے طور پر حلف لیا۔
راجیہ سبھا کے چیئرمین اور نائب صدر سی پی۔ رادھا کرشنن نے انہیں عہدے اور رازداری کا حلف دلایا۔ حلف لینے کے بعد مسٹر کھرگے نے کہا کہ راجیہ سبھا کے رکن کے طور پر دوبارہ حلف لینا ان کے لیے فخر اور بڑی ذمہ داری کی بات ہے۔
انہوں نے کہا کہ قائد حزب اختلاف کی حیثیت سے اس معزز ایوان کی خدمات جاری رکھنا ان کے لیے اعزاز کی بات ہے۔
مسٹر کھرگے نے راجیہ سبھا کے چیئرمین اور ڈپٹی چیئرمین ہری ونش کے تعاون اور حمایت کے لیے ان کا شکریہ ادا کیا۔
انہوں نے کانگریس لیڈر سونیا گاندھی، لوک سبھا میں قائد حزب اختلاف راہول گاندھی، کانگریس ارکان پارلیمنٹ، پارٹی قیادت، کارکنوں اور حامیوں کا شکریہ ادا کرتے ہوئے کہا کہ ان کا غیر متزلزل اعتماد اور حوصلہ افزائی ان کی عوامی زندگی اور پارلیمانی سفر میں ہمیشہ ان کے ساتھ رہی ہے۔
