پورٹ آف اسپین، پاکستانی بلے باز شان مسعود بائیں ہاتھ کی شہادت کی انگلی میں فریکچر ہونے کے باعث اتوار سے پورٹ آف اسپین میں ویسٹ انڈیز کے خلاف شروع ہونے والے دوسرے ٹیسٹ میچ سے باہر ہو گئے ہیں۔
پاکستان کرکٹ بورڈ (پی سی بی) نے ٹیم کے میڈیکل پینل کے اسکین اور طبی معائنے کے بعد جمعرات کو دوسرے ٹیسٹ کے لیے مسعود کی عدم دستیابی کی تصدیق کی۔ مسعود تروبا میں پہلے ٹیسٹ کے دوران انجری کا شکار ہوئے تھے۔ مسعود پہلی اننگز میں جےڈن سیلز کی طرف سے ایک گیند کھیلتے ہوئے شہادت کی انگلی میں زخمی ہو گئے۔ اس کے باوجود انہوں نے شاندار بلے بازی کی اور اپنے ٹیسٹ کیریئر کی ساتویں سنچری اسکور کی، البتہ برائن لارا کرکٹ اکیڈمی میں کھیلے گئے میچ میں پاکستان کو 90 رنز سے شکست کا سامنا کرنا پڑا۔
