حیدرآباد، معروف فلم ساز سنگیتھم سرینواس راؤ (95) کا ہفتے کی رات چنئی کے کاویری اسپتال میں انتقال ہوگیا۔وہ کچھ عرصے سے عمر سے متعلق عوارض میں مبتلا تھے۔
معروف فلم ساز سنگیتھم سرینواس راؤ کا انتقال، تلنگانہ کے وزیر اعلیٰ نے تعزیت کی21 ستمبر 1931 کو نیلور ضلع کے اودیگیری میں پیدا ہونے والے سنگیتھم نے فلمی دنیا میں قدم رکھنے سے قبل تھیٹر سے اپنے فنی سفر کا آغاز کیا تھا۔
انہوں نے 1954 میں معروف ہدایت کار کے وی ریڈی کے معاون کی حیثیت سے فلمی صنعت میں قدم رکھا اور ’’دونگا راموڈو‘‘ اور ’’مایابازار‘‘ سمیت کئی فلموں میں ان کے ساتھ کام کیا۔ب
عد میں وہ ہندوستانی سنیما کے سب سے زیادہ اختراعی فلم سازوں میں شمار ہونے لگے اور انہوں نے تیلگو، تمل، کنڑ، ملیالم، ہندی اور انگریزی زبانوں میں فلموں کی ہدایت کاری کی۔ان کی مقبول فلموں میں ’’سنسکار ‘‘، ’’تھرم مارندی‘‘، ’’پشپک ویمانم‘‘، ’’اپوروا ساگودھرارگل‘‘، ’’آدتیہ 369‘‘، ’’مایوری‘‘ اور ’’بھیروا دیپم‘‘ شامل ہیں۔انہیں صدارتی اعزازات اور نندی ایوارڈز سمیت کئی باوقار اعزازات سے نوازا گیا۔
تجربات کے لیے مشہور سنگیتھم نے اینیمیشن اور خاموش فلموں کے شعبے میں بھی کام کیا۔
ان کی آخری ہدایت کاری میں بننے والی فلم ’’سنگیتھم‘‘، جسے ناگ اشون نے تیار کیا تھا، رواں سال 12 جون کو ریلیز ہوئی۔انہوں نے 94 برس کی عمر میں فلم کی ہدایت کاری کرکے ایک ریکارڈ قائم کیا تھا
۔تلنگانہ کے وزیر اعلیٰ اے ریونت ریڈی نے ان کے انتقال پر تعزیت کرتے ہوئے کہا کہ ہندوستانی سنیما میں سنگیتھم کی خدمات ہمیشہ ناقابل فراموش رہیں گی اور ان کا انتقال فلمی صنعت کے لیے ناقابل تلافی نقصان ہے۔
انہوں نے سوگوار خاندان سے تعزیت کا اظہار کیا۔
جونیئر این ٹی آر، دیوی سری پرساد اور منچو وشنو سمیت فلمی دنیا کی کئی شخصیات نے بھی ان کے انتقال پر تعزیت کا اظہار کیا۔
