نئی دہلی، لیفٹیننٹ جنرل سادھنا سکسینہ نائر نے جمعرات کو آرمی میڈیکل سروسز کے ڈائریکٹر جنرل کا چارج سنبھال لیا اور وہ اس باوقار عہدے پر تعینات ہونے والی پہلی خاتون ہیں۔ وزارت دفاع نے جمعرات کو ایک بیان جاری کرتے ہوئے کہا کہ اس سے قبل وہ ایئر مارشل کے عہدے پر ترقی پانے والی پہلی خاتون تھیں اور ڈائریکٹر جنرل، ہسپتال سروسز (آرمڈ فورسز) کے عہدے پر فائز تھیں۔ لیفٹیننٹ جنرل نائر نے پونے کے آرمڈ فورسز میڈیکل کالج سے ایک ممتاز تعلیمی ریکارڈ کے ساتھ گریجویشن کیا اور دسمبر 1985 میں آرمی میڈیکل کور میں کمیشن حاصل کیا۔
