چنئی، نیشنل انوسٹی گیشن ایجنسی (این آئی اے) کے اہلکاروں نے جمعرات کو تمل ناڈو کے پانچ اضلاع میں ممنوعہ پاپولر فرنٹ آف انڈیا (پی ایف آئی) کے سابق ممبران اور عہدیداروں کے ٹھکانوں پر چھاپہ مارا۔ یہ کارروائی 2019 میں پیش آئے پی ایم کے عہدیدار وی راملنگم کے قتل کیس کے سلسلے میں کی گئی ہے۔ اطلاعات کے مطابق این آئی اے کے اہلکار تروچی، تھانجاور، تروورور، ناگاپٹنم اور مائیلادوتھرائی اضلاع میں تلاشی لے رہے ہیں۔ ان اضلاع میں 10 سے زائد مقامات پر چھاپے مارے جا رہے ہیں۔
