نئی دہلی: ہندوستانی فوج کے آپریشن سندھور پر پاکستانی فوج کی جوابی کارروائی سے پیدا ہونے والی صورتحال کے پیش نظر مرکزی وزارت داخلہ نے تمام ریاستوں اور مرکز کے زیر انتظام علاقوں کے چیف سکریٹریوں کو سول سیکورٹی ایکٹ کے تحت ہنگامی اختیارات استعمال کرنے کی اجازت دے دی ہے۔ ذرائع کے مطابق، وزارت نے تمام ریاستوں اور مرکز کے زیر انتظام علاقوں کے چیف سکریٹریز اور ایڈمنسٹریٹرز کو ایک خط لکھا ہے جس میں کہا گیا ہے کہ وہ سول سیکورٹی ایکٹ کے تحت دیے گئے ہنگامی اختیارات کا استعمال کر سکتے ہیں۔ اس کا مقصد ہنگامی صورت حال کی صورت میں ضروری احتیاطی تیاریوں کو مؤثر طریقے سے مکمل کرنا اور ان پر عمل درآمد کرنا ہے۔
