نئی دہلی، مرکزی حکومت نے HCL اور Foxconn کے مشترکہ منصوبے کے تحت 3,706 کروڑ روپے کی سرمایہ کاری سے اتر پردیش کے جیور میں ایک اور سیمی کنڈکٹر یونٹ قائم کرنے کی تجویز کو منظوری دے دی ہے۔
وزیر اعظم نریندر مودی کی صدارت میں بدھ کو یہاں ہوئی مرکزی کابینہ کی میٹنگ میں اس سلسلے میں ایک تجویز کو منظوری دی گئی۔
میٹنگ کے بعد وزیر اطلاعات و نشریات اشونی کمار ویشنو نے ایک پریس کانفرنس میں بتایا کہ یہ یونٹ 2027 میں پیداوار شروع کر دے گا۔انہوں نے کہا کہ ملک میں پانچ سیمی کنڈکٹر یونٹوں کی تعمیر جاری ہے۔
انہوں نے کہا کہ سال 2022 میں شروع کیے گئے انڈیا سیمی کنڈکٹر مشن کے تحت جیور میں تیار کیے جانے والے اس چھٹے یونٹ کے ساتھ، ہندوستان اسٹریٹجک لحاظ سے اہم سیمی کنڈکٹر صنعت کو ترقی دینے کے اپنے سفر میں آگے بڑھ رہا ہے۔
انہوں نے کہا کہ منظور شدہ یونٹ HCL اور Foxconn کا مشترکہ منصوبہ ہے۔ وہ یمنا ایکسپریس وے انڈسٹریل ڈیولپمنٹ اتھارٹی میں جیور ہوائی اڈے کے قریب ایک پلانٹ قائم کریں گے۔ یہ پلانٹ موبائل فون، لیپ ٹاپ، آٹوموبائل، پی سی اور دیگر ڈسپلے ڈیوائسز کے لیے ڈسپلے ڈرائیور چپس تیار کرے گا۔ پلانٹ کو ہر ماہ 20,000 ویفر تیار کرنے کے لیے ڈیزائن کیا گیا ہے۔ اس کی پیداواری صلاحیت ماہانہ 36 ملین چپس ہوگی۔ اس پلانٹ سے دو ہزار افراد کو براہ راست روزگار ملے گا۔ یہ پلانٹ ڈسپلے ڈرائیور چپس کی ہندوستان کی ضرورت کے 40 فیصد کی فراہمی کو یقینی بنائے گا۔
