نئی دہلی، مرکزی زراعت اور کسانوں کی بہبود کے وزیر شیوراج سنگھ چوہان نے کہا ہے کہ بہار کے مشہور اور مقبول پھل لیچی پر تحقیق کرنے کی ہدایات دی گئی ہیں، تاکہ کسانوں کو اس کی بہتر قیمت مل سکے۔
پیر کو 'وکاسیت کرشی سنکلپ ابھیان' کے پانچویں دن مشرقی چمپارن، بہار میں کسانوں سے خطاب کرتے ہوئے مسٹر چوہان نے کہا کہ زراعت ہندوستانی معیشت کی ریڑھ کی ہڈی ہے اور کسان اس کی روح ہیں۔ ترقی یافتہ ہندوستان کا عزم ترقی یافتہ زراعت اور خوشحال کسانوں سے ہی پورا ہو سکتا ہے جس کے لیے مل کر کوششیں کرنا ہوں گی۔
