لندن انگلینڈ نے بائیں ہاتھ کے تیز گیند باز گس اٹکنسن کے پٹھوں میں کھچاؤ کے باعث ٹیم سے باہر ہونے کے بعد بھارت کے خلاف پہلے ٹیسٹ کے لیے جیمی اوورٹن کو ٹیم میں شامل کیا ہے۔ سلیکٹرز نے آج بھارت کے خلاف 20 جون سے شروع ہونے والی ٹیسٹ سیریز کے لیے 14 رکنی ٹیم کا اعلان کیا ہے۔سلیکٹرز نے کئی کھلاڑیوں کے زخمی ہونے کی وجہ سے فاسٹ بولنگ اٹیک کو تیز رفتاری فراہم کرنے کے لیے جیمی اوورٹن کو ٹیم میں شامل کیا ہے۔ دونوں ٹیموں کے درمیان مجموعی طور پر پانچ ٹیسٹ میچوں کی سیریز کھیلی جانی ہے۔ سیریز کا پہلا میچ 20 سے 24 جون کو ہیڈنگلے میں، دوسرا 2 سے 6 جولائی تک ایجبسٹن میں، تیسرا 10 سے 14 جولائی تک لارڈز میں، چوتھا 23 سے 27 جولائی کو ایمریٹس اولڈ ٹریفورڈ میں اور پانچواں ٹیسٹ میچ 31 جولائی سے 4 اگست تک کیا اوول میں کھیلا جائے گا۔
