نئی دہلی، وزیر اعظم نریندر مودی نے کہا ہے کہ ملک نے گزشتہ 11 سالوں میں دفاعی شعبے میں غیر معمولی ترقی کی ہے اور حکومت نے دفاعی پیداوار میں جدید کاری اور خود انحصاری پر خصوصی زور دیا ہے۔
قومی جمہوری اتحاد کی حکومت کے 11 سال مکمل ہونے کے موقع پر اعلیٰ قیادت حکومت کی کامیابیوں کا ذکر کر رہی ہے۔ اس سلسلے میں، منگل کو سوشل میڈیا پر ایک پوسٹ میں، وزیر اعظم نے ہم وطنوں کے اجتماعی عزم اور ہندوستان کو دفاعی شعبے میں خود انحصاری اور ٹکنالوجی میں کمال کی طرف لے جانے کے ان کے غیر متزلزل عزم پر فخر کا اظہار کیا۔
مسٹر مودی نے ایکس پر ایک پوسٹ میں لکھا، "گزشتہ 11 سالوں میں، ہمارے دفاعی شعبے میں اہم تبدیلیاں آئی ہیں، جس میں جدیدیت اور دفاعی پیداوار کے معاملے میں خود انحصار بننے پر واضح توجہ دی گئی ہے۔ ہندوستان کو مضبوط بنانے کے عزم کے ساتھ ملک کے باشندے جس طرح سے اکٹھے ہوئے ہیں، یہ دیکھ کر خوشی ہوئی ہے۔"
