۔
لندن، بھارت کے سابق اسپن بولر دلیپ دوشی لندن میں دل کا دورہ پڑنے سے انتقال کر گئے۔ ان کی عمر 77 برس تھی۔ ان کے پسماندگان میں ان کی اہلیہ کالندی، بیٹا نین اور بیٹی وشاکھا ہیں۔
اپنے کرکٹ کیریئر کے بعد، دوشی ہندی کمنٹیٹر کے طور پر بہت مشہور تھے۔
دوشی نے ہندوستان کے لیے 33 ٹیسٹ میچوں میں 114 وکٹیں حاصل کیں۔ انہوں نے چھ بار پانچ وکٹیں لینے کا کارنامہ بھی انجام دیا۔ اس کے علاوہ انہوں نے 15 ون ڈے میچوں میں صرف 3.96 کی اکانومی کے ساتھ 22 وکٹیں حاصل کیں۔ انہوں نے 238 فرسٹ کلاس کرکٹ میچوں میں 898 وکٹیں حاصل کیں۔ فرسٹ کلاس میچوں میں انہوں نے 43 مرتبہ پانچ وکٹیں حاصل کیں اور چھ بار ایک میچ میں 10 وکٹیں لینے کا کارنامہ انجام دیا۔ انہوں نے 1979 میں بین الاقوامی کرکٹ میں قدم رکھا۔
بورڈ آف کنٹرول فار کرکٹ ان انڈیا (بی سی سی آئی) اور سوراشٹرا کرکٹ ایسوسی ایشن نے دوشی کے انتقال پر تعزیت کا اظہار کیا ہے۔ بی سی سی آئی نے سوشل میڈیا پلیٹ فارم X پر دلیپ دوشی کی تصویر شیئر کی اور لکھا، "بی سی سی آئی سابق بھارتی اسپنر دلیپ دوشی کے افسوسناک انتقال پر تعزیت کا اظہار کرتا ہے۔ ان کا لندن میں انتقال ہوا۔ ان کی روح کو سکون ملے۔"
