ممبئی، منگل کو مہاراشٹر کے دارالحکومت ممبئی کے گرگاؤں چوپاٹی علاقے میں اسکون مندر کو بم سے اڑانے کی دھمکی والی ای میل موصول ہونے کے بعد مندر کی حفاظت کے حوالے سے الرٹ جاری کر دیا گیا۔
مندر کی انتظامیہ کو بھیجے گئے ای میل میں دھمکی دی گئی ہے کہ اگر ان کے مطالبات پورے نہ ہوئے تو 16 گھنٹے کے اندر مندر کو دھماکے سے اڑا دیا جائے گا۔
مندر کے اسسٹنٹ سیکیورٹی مینیجر کی جانب سے درج کرائی گئی شکایت کے مطابق یہ دھمکی آؤٹ لک ای میل آئی ڈی سے آئی ہے اور اسے ایمینوئل شیکرن نامی شخص نے بھیجا ہے۔ ای میل میں کہا گیا ہے کہ تمل ناڈو کی دراوڑ منیترا کزگم (ڈی ایم کے) حکومت کو تمل ناڈو پولیس آرگنائزیشن سے متعلق آنجہانی نینار داس کی سفارشات کو فوری طور پر نافذ کرنا چاہیے۔
ای میل میں خبردار کیا گیا ہے کہ اگر مطالبات پورے نہیں ہوئے تو گرگاؤں میں اسکون مندر میں بم دھماکہ کیا جائے گا۔ شکایت کے بعد، گوالیا ٹانک پولیس (گام دیوی پولیس) نے ایک نامعلوم شخص کے خلاف تعزیرات ہند کی دفعہ 351(1) کے تحت مقدمہ درج کیا۔ تفتیش جاری ہے۔
