لندن، امریکی صدر ڈونلڈ ٹرمپ نے روس کو یوکرین میں جنگ بندی پر رضامندی کے لیے "10 یا 12 دن" کی نئی، مختصر ڈیڈ لائن دی ہے۔ یوکرین کے صدر ولادیمیر زیلنسکی نے اس دور کو "انتہائی اہم" قرار دیا ہے۔
بی بی سی کی رپورٹ کے مطابق امریکی صدر نے کہا کہ مزید انتظار کرنے کی کوئی وجہ نہیں ہے کیونکہ امن کی طرف کوئی پیش رفت نہیں ہوئی۔ دو ہفتے قبل مسٹر ٹرمپ نے کہا تھا کہ صدر پوتن کے پاس جنگ ختم کرنے کے لیے 50 دن ہیں ورنہ روس کو سخت درآمدی محصولات کا سامنا کرنا پڑے گا۔
