ماسکو/نئی دہلی، قومی سلامتی کے مشیر اجیت ڈوول نے جمعرات کو ماسکو میں کہا کہ روسی صدر ولادیمیر پوتن کے دورہ ہند کی تاریخیں تقریباً طے ہوچکی ہیں اور دونوں ممالک کی قیادت کے درمیان سالانہ سربراہی ملاقاتیں دو طرفہ تعلقات میں ایک اہم موڑ ثابت ہوئی ہیں۔
مسٹر ڈووال نے ماسکو میں روسی سلامتی کونسل کے سربراہ سرگئی شوئیگو کے ساتھ دو طرفہ ملاقات کے دوران کہا کہ "ہم روسی صدر پوتن کے ہندوستان کے دورے کے بارے میں جان کر بہت پرجوش اور خوش ہیں۔ میرے خیال میں اب تاریخیں تقریباً طے شدہ ہیں۔" انہوں نے کہا کہ "سب سے اہم بات یہ ہے کہ یہ سربراہی ملاقاتیں ہمیشہ ہمارے لیے ایک اہم موڑ رہی ہیں۔ انہوں نے ہمیشہ ہمارے تعلقات کو ایک نئی سمت دی ہے۔"
