ممبئی، گزشتہ ہفتے بڑی گراوٹ کے بعد جی ڈی پی کے حوصلہ افزا اعداد و شمار کا اثر آنے والے ہفتے میں اسٹاک مارکیٹوں میں دیکھا جا سکتا ہے۔
29 اگست کو قومی شماریاتی دفتر کے جاری کردہ اعداد و شمار کے مطابق رواں مالی سال کی پہلی سہ ماہی میں شرح نمو 7.8 فیصد رہی۔ یہ اعداد و شمار مارکیٹ کھلنے کے بعد جاری کیے گئے، اس لیے ان کا اثر پیر کو ہی نظر آئے گا۔ نیز، تیزی سے بدلتے ہوئے عالمی عوامل بھی سرمایہ کاری کے جذبات کو متاثر کر سکتے ہیں۔
