لکھنؤ، وزیر دفاع راج ناتھ سنگھ نے برہموس کو "ہندوستان کی بڑھتی ہوئی مقامی طاقت کی علامت" قرار دیتے ہوئے پاکستان کو خبردار کیا کہ اس کی زمین کا ایک ایک انچ اب اس کی دسترس میں ہے۔
ہفتہ کو لکھنؤ میں، راج ناتھ سنگھ اور وزیر اعلیٰ یوگی آدتیہ ناتھ نے برہموس ایرو اسپیس کی مقامی یونٹ کے ذریعہ تیار کردہ سپرسونک برہموس میزائلوں کے پہلے بیچ کو جھنڈی دکھا کر روانہ کیا۔ اس موقع پر اظہار خیال کرتے ہوئے وزیر دفاع نے کہا کہ دھنتیرس کے مبارک موقع پر چار میزائلوں کی فراہمی، ہندوستان کی دفاعی صلاحیت اور خود انحصاری کو نئی بلندیوں تک لے جانا، نہ صرف فوجی کامیابی بلکہ اقتصادی خوشحالی اور روزگار کے مواقع کی بھی علامت ہے۔
