۔
دبئی: ہندوستانی بلے باز ویرات کوہلی جنوبی افریقہ کے خلاف تین ایک روزہ میچوں کی سیریز میں شاندار کارکردگی کے بعد آئی سی سی ون ڈے بیٹنگ رینکنگ میں دوسرے نمبر پر پہنچ گئے ہیں۔
انٹرنیشنل کرکٹ کونسل کی جانب سے جاری کردہ تازہ ترین رینکنگ کے مطابق کوہلی کی رینکنگ میں دو درجے بہتری آئی ہے اور وہ اب صرف روہت شرما سے پیچھے ہیں۔ روہت آسٹریلیا کے دورے کے دوران سنچری اور نصف سنچری بنانے کے بعد پہلی بار ون ڈے بیٹنگ رینکنگ میں ٹاپ پر پہنچے اور وہ بدستور ٹاپ پر ہیں۔ روہت نے جنوبی افریقہ کے خلاف تین میچوں کی سیریز میں کل 146 رنز بنائے۔ کوہلی نے جنوبی افریقہ کے خلاف 302 رنز بنائے جس میں دو سنچریاں اور ایک نصف سنچری شامل تھی اور انہیں سیریز کا بہترین کھلاڑی بھی قرار دیا گیا۔
