۔
نئی دہلی: مغربی ایشیا میں جاری بحران کے درمیان، امریکی صدر ڈونلڈ ٹرمپ نے منگل کی شام وزیر اعظم نریندر مودی سے فون پر بات کی، اور دونوں رہنماؤں نے آبنائے ہرمز سمیت عالمی بحران کے تمام پہلوؤں پر نتیجہ خیز بات چیت کی۔ وزیر اعظم نریندر مودی نے سوشل میڈیا پر کہا کہ صدر ٹرمپ نے ان سے بات کی اور انہوں نے مغربی ایشیا کی صورتحال پر نتیجہ خیز بات چیت کی۔
مسٹر مودی نے ایکس پر مسٹر ٹرمپ کے ساتھ اپنی گفتگو کے بارے میں کہا، "مجھے صدر ٹرمپ کا فون آیا اور مغربی ایشیا کی صورتحال پر مفید بات چیت ہوئی۔ ہندوستان کشیدگی میں کمی اور جلد از جلد امن کی بحالی کی حمایت کرتا ہے۔ یہ پوری دنیا کے لیے ضروری ہے کہ آبنائے ہرمز کھلا، محفوظ اور قابل رسائی رہے۔ ہم نے امن اور استحکام کی کوششوں کے سلسلے میں رابطے میں رہنے پر اتفاق کیا۔"
.webp)
