۔
نئی دہلی: کانگریس نے رام مندر کے عطیہ کی چوری کے معاملے پر وزیر اعظم نریندر مودی سے بیان کا مطالبہ کرتے ہوئے کہا ہے کہ اس پورے معاملے کی سپریم کورٹ کے جج سے جانچ کرائی جائے اور ملزمین کو سخت سزا دی جائے۔
کانگریس کے کمیونیکیشن ڈپارٹمنٹ کے انچارج جے رام رمیش نے اتوار کو یہاں ایک بیان میں کہا کہ رام مندر میں 'چوری' ہوئی ہے، اور اس میں کوئی شک یا تنازع نہیں ہے۔ راشٹریہ سویم سیوک سنگھ (آر ایس ایس) کے بیان کو شرمناک اور بدقسمتی قرار دیتے ہوئے انہوں نے کہا کہ جو لوگ دوسروں کو ایمانداری، دیانتداری اور قوم پرستی کے سرٹیفکیٹ دیتے تھے آج خود رنگے ہاتھوں پکڑے گئے ہیں۔
انہوں نے کہا کہ چندہ میں ہزاروں کروڑ روپے کا غبن اور غلط استعمال کیا گیا ہے۔ اس پورے معاملے کی سپریم کورٹ کے جج سے تفتیش کرائی جائے اور تمام ملزمان کے خلاف سخت کارروائی کی جائے۔
مسٹر رمیش نے کہا کہ مسٹر مودی نے 22 جنوری 2024 کو رام مندر کے افتتاح کا کریڈٹ لیا اور لوک سبھا انتخابات سے پہلے اس کا سیاسی فائدہ اٹھایا۔ انہوں نے کہا کہ اس کے بعد بی جے پی ایودھیا لوک سبھا سیٹ ہار گئی۔ انہوں نے کہا کہ وزیراعظم کو اس پورے معاملے پر ملک کے سامنے اپنا بیان دینا چاہیے۔
