لکھنؤ، اتر پردیش کے وزیر اعلی یوگی آدتیہ ناتھ نے پیر کو اسمبلی کے مانسون اجلاس کے آغاز پر تمام اراکین کا خیرمقدم کرتے ہوئے کہا کہ مقننہ عام لوگوں کی آواز اٹھانے کا سب سے بڑا پلیٹ فارم ہے اور ایوان کے وقت کو مفاد عامہ کے مسائل پر بامعنی بحث کے لیے استعمال کیا جانا چاہیے۔
سیشن کے پہلے دن صحافیوں سے بات کرتے ہوئے وزیر اعلیٰ نے کہا کہ مقننہ کسانوں، نوجوانوں، خواتین اور سماج کے مختلف طبقات سے متعلق مسائل پر بحث، جائزہ لینے اور ان کو حل کرنے کا ایک ذریعہ ہے۔ انہوں نے کہا کہ ہر عوامی نمائندہ اپنے حلقے کے مسائل کو ایوان میں اٹھائے اور ان کے حل کے لیے کوشش کرے۔ انہوں نے مزید کہا کہ حکومت اور عوامی نمائندوں کے درمیان بات چیت کی اس روایت سے ریاست میں گزشتہ نو برسوں میں بہت سی مثبت تبدیلیاں آئی ہیں۔
