نئی دہلی، کانگریس نے الزام لگایا کہ بھارتیہ جنتا پارٹی-راشٹریہ سویم سیوک سنگھ (بی جے پی-آر ایس ایس) اور الیکشن کمیشن مل کر نوجوان ووٹروں، خصوصاً جین زی کو ووٹر فہرست سے باہر رکھنے کی سازش کر رہے ہیں۔
کانگریس شعبہ مواصلات کے انچارج پون کھیڑا نے جمعہ کے روز سوشل میڈیا ایکس پر لکھا کہ جنوری 2024 سے اسپیشل سمری ریویژن کو روک کر رکھنے اور 'غیر قانونی' نیز 'غیر مجاز' طریقے سے فارم-6 میں تبدیلیاں کر کے جین زی ووٹروں کو جان بوجھ کر ووٹر فہرست سے باہر رکھنے کی کوشش کی جا رہی ہے۔
انہوں نے کہا کہ نوجوانوں نے بی جے پی کو مسترد کر دیا ہے اور اسی وجہ سے بی جے پی نوجوانوں کو ووٹر فہرست سے باہر رکھنے کی کوشش کر رہی ہے۔
