آئیچی-ناگویا (جاپان)، ہندوستانی مردوں کی کبڈی ٹیم نے جمعہ کو توکائی سٹیزن جمنازیم میں تھائی لینڈ کو 66-28 کے اسکور سے شکست دے کر ایشیائی کھیل 2026 کے فائنل میں اپنی جگہ پکی کرلی۔
آج یہاں گروپ اے میں اپنے تمام میچ جیت کر سرفہرست رہنے والی موجودہ ایشیائی کھیل چیمپئن ہندوستانی ٹیم نے تھائی ٹیم کے خلاف متوازن اور قابو میں رہتے ہوئے کارکردگی کا مظاہرہ کیا اور ناک آؤٹ مرحلے میں کوئی غلطی نہیں کی۔
ہندوستانی دفاع، جس میں جے دیپ دہیا، سُمِت، راہل سیٹھ پال اور کپتان سنیل کمار شامل تھے، ابتدائی مرحلے میں تقریباً بے داغ رہا اور 8 بار کی ایشیائی کھیل کبڈی چیمپئن ٹیم نے میچ کے پہلے 5 منٹ کے اندر ہی پہلا ’آل آؤٹ‘ کردیا.
