،
ممبئی، بالی ووڈ اداکارہ یامی گوتم دھر اپنی آنے والی فلم ’نئی نویلی‘ کی تشہیر کے سلسلے میں پٹنہ پہنچیں، جہاں مداحوں نے ڈھول نگاڑوں کے ساتھ ان کا شاندار استقبال کیا۔
اس دوران یامی نے پٹنہ صاحب گرودوارے میں حاضری دی اور فلم کی کامیابی کے لیے دعائیں کیں۔
یامی نے فلم کے ٹریلر کو ملنے والے مثبت ردعمل پر مداحوں کا شکریہ ادا کیا۔انہوں نے گرودوارے میں کچھ وقت گزارا اور اپنی آنے والی فلم کے لیے آشیرواد لیا۔
بالاجی موہن کی ہدایت کاری میں بننے والی ’نئی نویلی‘ کی کہانی ہمانشو شرما اور دیویہ ندھی شرما نے لکھی ہے
۔فلم کو آنند ایل رائے اور ہمانشو شرما نے پروڈیوس کیا ہے۔
فلم میں یامی گوتم ایک نئے انداز میں نظر آئیں گی۔یہ فینٹسی فیملی انٹرٹینر خاندان، رشتوں، مزاح اور ایکشن سے بھرپور ہے۔
ایمیزون ایم جی ایم اسٹوڈیوز اور کلر ییلو کی پیشکش ’نئی نویلی‘ 16 اکتوبر 2026 کو دسہرہ کے موقع پر ملک بھر کے سنیما گھروں میں ریلیز ہوگی.
