ممبئی: عالمی بازار کے ملے جلے رجحان کے درمیان، مقامی سطح پر کم قیمتوں پر آئی ٹی، ٹیک، بینکنگ اور رئیلٹی سمیت تمام گروپوں کی کمپنیوں میں زبردست خرید کی وجہ سے اسٹاک مارکیٹ نے آج اونچی چھلانگ لگائی۔
بی ایس ای کا 30 حصص کا حساس انڈیکس سینسیکس 1961.32 پوائنٹس یا 2.54 فیصد بڑھ کر 79,117.11 پوائنٹس اور نیشنل اسٹاک ایکسچینج (این ایس ای) نفٹی 557.35 پوائنٹس یا 2.39 فیصد بڑھ کر 23,907.25 پوائنٹس پر پہنچ گیا۔ اسی طرح بی ایس ای مڈ کیپ 1.26 فیصد بڑھ کر 45,029.22 پوائنٹس پر بند ہوا اور سمال کیپ 0.90 فیصد مضبوط ہوکر 52,612.93 پوائنٹس پر بند ہوا۔
