نئی دہلی: ہندوستانی مردوں کی قومی فٹ بال ٹیم کے ہیڈ کوچ مانولو مارکیز نے بدھ کو اے ایف سی ایشین کپ 2027 کوالیفائرز کے لیے کولکتہ میں 18 مئی سے شروع ہونے والے تربیتی کیمپ کے لیے 28 رکنی ممکنہ اسکواڈ کا اعلان کیا۔ ہندوستان کو اے ایف سی ایشین کپ 2027 کے فائنل راؤنڈ کوالیفائر کے گروپ سی میں بنگلہ دیش، ہانگ کانگ، چین اور سنگاپور کے ساتھ رکھا گیا ہے۔ ہندوستانی ٹیم کے لیے اگلا بڑا چیلنج 10 جون کو کائی تک اسپورٹس پارک میں ہانگ کانگ، چین کے خلاف میچ ہے۔
