نئی دہلی، آپریشن سندھو کے تحت 326 ہندوستانی شہری منگل کو اسرائیل سے دو پروازوں سے دہلی پہنچے۔
وزارت خارجہ کے ترجمان رندھیر جیسوال نے کہا کہ آپریشن سندھو کا اسرائیل مرحلہ 23 جون کو شروع ہوا جس میں 161 ہندوستانی شہریوں کا پہلا گروپ اسرائیل سے وطن واپس آیا۔ یہ لوگ آج صبح 8:20 بجے اردن کے دارالحکومت عمان سے بحفاظت نئی دہلی پہنچے۔ وزیر مملکت برائے امور خارجہ پاویترا مارگریٹا ہوائی اڈے پر موجود تھیں۔
مسٹر جیسوال نے کہا کہ آپریشن سندھو کے تحت اسرائیل سے 165 ہندوستانی شہری آج صبح تقریباً 8.45 بجے عمان سے ہندوستانی فضائیہ کے ایک C-17 طیارے میں پالم ایئرفورس ایئرپورٹ پر اترے جہاں اطلاعات کی نشریات اور پارلیمانی امور کے وزیر مملکت ڈاکٹر ایل مروگن نے ان کا استقبال کیا۔
وزارت خارجہ کے ترجمان نے کہا کہ بیرون ملک ہندوستانی شہریوں کی حفاظت حکومت کی اولین ترجیح ہے۔
