ا
نئی دہلی، صدر دروپدی مرمو نے جمعہ کو 'ایم ایس ایم ای ڈے 2025 - انٹرپرینیور انڈیا' کا افتتاح کیا اور کریڈٹ گارنٹی فنڈ ٹرسٹ پر ڈاک ٹکٹ جاری کیا۔
قومی راجدھانی میں منعقدہ تقریب میں محترمہ مرمو نے کہا کہ چھوٹی صنعتیں ہندوستانی معیشت میں اہم کردار ادا کرتی ہیں اور یہ آبادی کے ایک بڑے حصے کو روزی روٹی کے مواقع فراہم کرتی ہیں۔ حکومت چھوٹے تاجروں کو فنانس فراہم کر رہی ہے۔ انہیں اس سے فائدہ اٹھانا چاہیے۔
صدر نے کریڈٹ گارنٹی فنڈ ٹرسٹ (CGTMSE) کے 25 سال مکمل ہونے کی یاد میں ایک خصوصی ڈاک ٹکٹ جاری کیا۔ صدر نے آن لائن ڈسپیوٹ ریزولوشن (ODR) پورٹل کی بھی نقاب کشائی کی۔
مسز مرمو نے ایم ایس ایم ای ہیکاتھون 5.0 بھی لانچ کیا۔ تقریب میں ہیکاتھون 4.0 کے نتائج کا بھی اعلان کیا گیا۔ صدر نے 'ایم ایس ایم ای میگزین' اور ایک کتابچہ 'اپنے قرض دہندہ کو جانیں' جاری کیا۔
مرکزی وزیر برائے مائیکرو، سمال اینڈ میڈیم انٹرپرائز جیتن رام مانجھی، ریاستی وزیر شوبھا کرندلاجے اور کھادی اور دیہی صنعت کمیشن کے چیئرمین منوج کمار کے ساتھ وزارت کے افسران نے اس تقریب میں شرکت کی۔
