نئی دہلی، سپریم کورٹ نے پیر کو سمے رائنا سمیت پانچ مزاح نگاروں کو ہدایت کی کہ وہ اپنے یوٹیوب چینلز اور دیگر سوشل میڈیا پلیٹ فارمز پر معذوروں کے بارے میں غیر حساس مذاق کرنے پر معافی مانگیں۔
جسٹس سوریا کانت اور جویمالیا باغچی کی بنچ نے یہ حکم ایس ایم اے کیور فاؤنڈیشن کی طرف سے دائر ایک عرضی پر دیا۔ اس درخواست میں سمے رائنا، وپل گوئل، بلراج پرمجیت سنگھ گھئی، سونالی ٹھاکر، سونالی آدتیہ دیسائی اور نشانت جگدیش تنور کے قابل اعتراض لطیفوں کی نشاندہی کی گئی تھی۔
