نئی دہلی، کانگریس نے منگل کو کہا کہ سیکورٹیز اینڈ ایکسچینج بورڈ (SEBI) جیسا ایک اہم ادارہ بھی مودی حکومت میں ڈھیلا پڑ گیا ہے اور اس کی ناک کے نیچے ہو رہے گھوٹالوں سے عام سرمایہ کاروں کو دھوکہ دیا جا رہا ہے لیکن وہ اپنی ذمہ داریوں کو صحیح طریقے سے ادا نہیں کر پا رہا ہے۔ کانگریس کے سوشل میڈیا ڈپارٹمنٹ کی سربراہ سپریہ سرینیت نے آج یہاں پارٹی کے نئے ہیڈکوارٹر میں ایک پریس کانفرنس میں کہا کہ SEBI کی ناک کے نیچے ایک بڑا گھوٹالہ ہوا ہے۔ گھوٹالے والی کمپنی ایک بار نہیں بلکہ بار بار گھوٹالے کرتی رہی اور ملک کے شہریوں کی محنت کی کمائی لے کر اپنے ملک بھاگ گئی لیکن SEBI نے بروقت اس پر کوئی ٹھوس کارروائی نہیں کی۔ وزیر اعظم نریندر مودی، وزیر داخلہ امیت شاہ اور وزیر خزانہ نرملا سیتا رمن کو بتانا چاہئے کہ حکومت اس کمپنی کے بارے میں کیوں نہیں جاگی جو بار بار گھوٹالے کر رہی ہے۔
