نئی دہلی، ایئر انڈیا کے احمد آباد طیارہ حادثے کی ابتدائی تحقیقاتی رپورٹ میں کہا گیا ہے کہ پرواز نمبر 171 لندن کے لیے ٹیک آف کرنے کے چند لمحوں بعد اونچائی کھونے والے طیارے کے پائلٹ میں سے ایک نے دیکھا کہ کاک پٹ میں ایندھن کے دونوں سوئچ بند تھے۔ پائلٹوں نے سوئچ آن کر دیے تھے لیکن وقت اتنا کم تھا اور طیارہ اتنا نیچے چلا گیا تھا کہ دوبارہ اوپر نہ جا سکا اور نیچے ہوسٹل سے ٹکرا گیا۔
حادثے کے ایک ماہ بعد جاری کردہ انڈین ایئر کرافٹ ایکسیڈنٹ انویسٹی گیشن بیورو (اے ایس آئی بی) کی ابتدائی تحقیقاتی رپورٹ کے مطابق، کاک پٹ کو سنبھالنے والے دو پائلٹوں میں سے ایک نے اس وقت کہا تھا - 'تم نے کیوں کٹا'، جس پر دوسرے نے جواب دیا - 'میں نے نہیں کیا'! اس گفتگو کے بعد چند لمحوں میں سب کچھ ختم ہو گیا۔
