لندن،برطانیہ کے وزیر خارجہ ڈیوڈ لیمی نے کہا ہے کہ برطانیہ شام کے صوبہ سویدا میں بڑھتے ہوئے تشدد پر تشویش میں مبتلا ہے اور چاہتا ہے کہ تنازع جلد بند ہو۔
انہوں نے کہا، "میں نے شام کے وزیر خارجہ الشیبانی سے براہ راست بات کی ہے اور اس پر زور دیا ہے کہ لڑائی بند ہونی چاہیے، شہریوں کو تحفظ فراہم کیا جانا چاہیے اور ہر ایک کے حقوق کا تحفظ ہونا چاہیے۔ ہمیں جنوب میں ہونے والے واقعات اور شہریوں کی ہلاکت پر بہت تشویش ہے۔ صوبہ سویدا میں تشدد کی تحقیقات ہونی چاہیے اور مجرموں کا احتساب ہونا چاہیے۔"
