لندن: محمد سراج (پانچ وکٹ) اور پرسید کرشنا (چار وکٹوں) کی مہلک بولنگ کی بدولت ہندوستان نے پیر کو پانچویں ٹیسٹ میچ کے پانچویں دن پہلے سیشن میں انگلینڈ کو دوسری اننگز میں 367 رنز پر ڈھیر کرکے میچ چھ رنز سے جیت لیا۔ اس کے ساتھ ہی ہندوستان نے پانچ میچوں کی سیریز 2-2 سے برابر کر دی۔
انگلینڈ نے کل کے سکور چھ وکٹوں پر 339 رنز سے آگے کھیلنا شروع کیا۔ آج کے صبح کے سیشن میں 78ویں اوور کی تیسری گیند پر محمد سراج نے جیمی اسمتھ (دو) کو دھرو جریل کے ہاتھوں کیچ آؤٹ کر کے ہندوستان کو ساتویں کامیابی دلائی۔ اس کے بعد سراج نے جیمی اوورٹن (نو) کو ایل بی ڈبلیو آؤٹ کر کے ہندوستان کو فتح کے قریب پہنچا دیا۔
