اسلام آباد، پاکستان کے شمال مغربی صوبے خیبر پختونخواہ میں جمعرات کی صبح دہشت گردوں کی پولیس موبائل وین پر فائرنگ کے نتیجے میں تین پولیس اہلکار ہلاک اور چھ دیگر زخمی ہو گئے۔ یہ بات پولیس نے بتائی۔
میڈیا رپورٹس کے مطابق آج علی الصبح ضلع دیر بالا میں دہشت گردوں نے پولیس کوئیک ری ایکشن فورس کی گاڑی پر فائرنگ کی۔ پاکستانی میڈیا کا کہنا ہے کہ زخمی جوانوں کو قریبی اسپتال میں داخل کرایا گیا ہے جن میں سے بعض کی حالت تشویشناک ہے۔ سیکیورٹی فورسز نے علاقے کو گھیرے میں لے لیا ہے اور حملہ آوروں کی تلاش کے لیے سرچ آپریشن جاری ہے۔
