شیمکنت (قازقستان)، ہندوستان کے ایلاوینل والاریوان اور ارجن بابوتا نے ہفتہ کو ایشین شوٹنگ چیمپئن شپ 2025 میں 10 میٹر ایئر رائفل مکسڈ ٹیم ایونٹ میں طلائی تمغہ جیتا۔ اس کے ساتھ ہی چیمپئن شپ میں ہندوستان کے تمغوں کی تعداد 11 ہوگئی ہے۔ ہندوستان نے اب تک چار طلائی، ایک چاندی اور چھ کانسی کے تمغے جیتے ہیں۔
ایک روز قبل انفرادی خطاب جیتنے والے ایلاوینل نے ارجن بابوتا کے ساتھ مل کر فائنل میں چین کے پینگ شنلو اور لو ڈنگکے کو 17-11 سے شکست دی۔ کوالیفائر میں ہندوستانی جوڑی نے 634.0 اسکور کرکے پہلی پوزیشن حاصل کی تھی۔
