کیپ ٹاؤن: جنوبی افریقہ نے منگل کو لارڈز میں ہونے والی ورلڈ ٹیسٹ چیمپئن شپ (WTC) فائنل کے لیے 15 رکنی اسکواڈ کا اعلان کر دیا۔ جنوبی افریقہ کے سلیکٹرز نے آج آسٹریلیا کے خلاف ورلڈ ٹیسٹ چیمپئن شپ کے فائنل میچ کے لیے ٹیمبا باوما کو ٹیم کی کپتانی سونپ دی۔ جنوبی افریقہ نے پاکستان کے خلاف ٹیسٹ سیریز کھیلنے والے اسکواڈ میں دو تبدیلیاں کی ہیں، باقی تمام کھلاڑیوں کو برقرار رکھا ہے لیکن کوینا مفاکا اور میتھیو بریٹزکے کو باہر رکھا ہے۔ لونگی نگیڈی کی انجری سے صحت یاب ہونے کے بعد ٹیم میں واپسی بولنگ اٹیک کو مزید تیز کرے گی۔ ٹونی ڈی گوزی، ریان رکیلٹن اور ایڈن مارکرم ٹاپ آرڈر بیٹنگ کے آپشنز ہیں، جب کہ ابھرتے ہوئے اسٹارز ٹریسٹن اسٹبس، ڈیوڈ بیڈنگھم اور باوما مڈل آرڈر کے لیے کام کریں گے۔ کائل ویرین اسٹمپ کے پیچھے نظر آئیں گے۔
