تہران: ایران نے واضح کیا ہے کہ اگر امریکا یورینیم کی افزودگی روکنا چاہتا ہے تو اس کے ساتھ کوئی جوہری معاہدہ نہیں ہوگا۔ یہ بات ایران کے وزیر خارجہ سعید عباس عراقچی نے اطالوی دارالحکومت روم میں ایران اور امریکہ کے وفود کے درمیان بالواسطہ جوہری مذاکرات کے پانچویں دور سے قبل جمعہ کو سرکاری IRIB ٹی وی کو انٹرویو دیتے ہوئے کہی۔ انہوں نے کہا کہ "ہمارے درمیان اب بھی بنیادی اختلافات ہیں۔ امریکی فریق ایران میں یورینیم کی افزودگی پر یقین نہیں رکھتا۔ اگر یہ ان کا مقصد ہے تو کوئی معاہدہ نہیں ہوگا۔"
