۔
نئی دہلی، ملک میں گزشتہ کچھ دنوں سے کورونا انفیکشن کے ایکٹیو کیسز میں اضافہ ہوا ہے اور ہفتے کے روز اس وائرس سے صحت یاب ہونے والوں کی کل تعداد 19453 تک پہنچ گئی جب کہ ایکٹو کیسز کی کل تعداد گھٹ کر 5012 تک پہنچ گئی۔
راجستھان میں گزشتہ 24 گھنٹوں کے دوران کورونا انفیکشن سے ایک اور مریض کی موت کے ساتھ ہی ملک میں مرنے والوں کی تعداد 121 ہو گئی ہے۔ غور طلب ہے کہ 22 مئی کو ملک میں کورونا کے صرف 257 ایکٹیو کیسز تھے۔
مرکزی وزارت صحت اور خاندانی بہبود کی طرف سے آج جاری کردہ اعداد و شمار کے مطابق گزشتہ 24 گھنٹوں کے دوران کورونا انفیکشن کے معاملات میں 596 کی کمی واقع ہوئی ہے۔
دوسری جانب اس وائرس کے انفیکشن سے 1197 مریض صحت یاب ہو چکے ہیں۔ اس مہلک وائرس کے انفیکشن سے ایک اور مریض کی موت کے ساتھ ہی مرنے والوں کی تعداد 121 تک پہنچ گئی ہے۔
محکمہ صحت کے حکام کے مطابق، نئی قسمیں، خاص طور پر LF.7، XFG، JN.1 اور حال ہی میں شناخت کی گئی NB.1.8.1 ذیلی اقسام، انفیکشن کا سبب بن رہی ہیں۔ یہ متغیرات زیر تفتیش ہیں۔
