نئی دہلی، وزیر اعظم نریندر مودی پانچ ممالک کا آٹھ روزہ دورہ مکمل کرنے کے بعد جمعرات کی صبح وطن واپس پہنچ گئے۔
دورے کے آخری مرحلے میں وہ بدھ کو نمیبیا پہنچے جہاں انہوں نے نمیبیا کے صدر سے دو طرفہ تعلقات کے مختلف پہلوؤں پر تبادلہ خیال کیا۔
مسٹر مودی نے نمیبیا کی پارلیمنٹ کے دونوں ایوانوں کی مشترکہ میٹنگ سے بھی خطاب کیا۔
قبل ازیں برازیل میں، انہوں نے 17ویں برکس سربراہی اجلاس میں شرکت کی اور رکن ممالک کے سامنے مختلف مسائل پر ہندوستان کے نقطہ نظر کو واضح کیا۔
