لکھنؤ، اتر پردیش میں آنے والے دیہی بلدیاتی انتخابات کے لیے پنچایتوں کی حد بندی مکمل ہو گئی ہے اور 512 گرام پنچایتوں کو ختم کر دیا گیا ہے جبکہ 11 نئی گرام پنچایتیں بنائی گئی ہیں۔
مستند ذرائع نے بتایا کہ ختم کی گئی گرام پنچایتوں میں سب سے زیادہ تعداد دیوریا، اعظم گڑھ اور پرتاپ گڑھ اضلاع سے ہے۔ 2021 کے پنچایتی انتخابات میں 58,195 گرام پردھان منتخب ہوئے تھے، لیکن ریاست میں اگلے پنچایتی انتخابات میں یہ تعداد گھٹ کر 57,694 گرام پردھان رہ گئی ہے۔
