حیدرآباد، بزرگ آزادی پسند اور کمیونسٹ پارٹی آف انڈیا (سی پی آئی) کے سینئر لیڈر ڈوڈا نارائن راؤ کا جمعہ کی رات حیدرآباد میں ان کی رہائش گاہ پر انتقال ہوگیا۔ ان کی عمر 96 برس تھی۔
سی پی آئی کے بزرگ رہنما ڈاکٹر کے نارائنا نے تعزیت پیش کرتے ہوئے مسٹر راؤ کو ایک اصول پسند رہنما قرار دیا جو زندگی بھر اپنے نظریے پر قائم رہے۔ انہوں نے یاد کیا کہ تجربہ کار راؤ نے 1940 کی دہائی میں نظام حکومت کے خلاف لڑتے ہوئے آزادی کی جدوجہد میں فعال کردار ادا کیا تھا۔
انہوں نے کہا کہ مسٹر راؤ سی پی آئی کے نلگنڈہ ضلع سکریٹری اور ضلع کسان سنگھ کے جنرل سکریٹری کے طور پر خدمات انجام دے چکے ہیں۔ ڈاکٹر نارائنا نے عوامی خدمت اور کمیونسٹ تحریک کے لیے اپنی زندگی بھر کی لگن کی تعریف کی۔
