ممبئی، شبمن گل کی ہندوستانی ٹی 20 ٹیم میں واپسی ہوئی ہے اور انہیں آئندہ ایشیا کپ 2025 کے لیے نائب کپتان بنا دیا گیا ہے۔گل جو انگلینڈ کے خلاف ہندوستان کے آخری ٹی ٹوئنٹی میچ میں نہیں کھیل سکے تھے، ابھیشیک شرما اور سنجو سیمسن کے ساتھ 15 رکنی ٹیم میں منتخب ہونے والے تین اوپنرز میں سے ایک ہیں۔ یشسوی جیسوال یا شریاس ایر کے لیے ٹیم میں کوئی جگہ نہیں ہے۔
چیف سلیکٹر اجیت اگرکر نے منگل کو ٹی 20 کپتان سوریہ کمار یادو کے ساتھ ایک پریس کانفرنس میں ٹیم کا اعلان کیا۔ آٹھ بار ایشیا کپ جیتنے والی ہندوستانی ٹیم اپنے ٹورنامنٹ کا آغاز 10 ستمبر کو دبئی انٹرنیشنل اسٹیڈیم میں متحدہ عرب امارات کے خلاف میچ سے کرے گی۔
ایشیا کپ 2025 کے لیے ہندوستان کے 15 رکنی اسکواڈ میں شبمن گل کو موقع دیا گیا ہے۔ وہ ٹیم کے نائب کپتان بھی ہیں۔ ایشیا کپ کے لیے ٹیم کا اعلان ممبئی میں بی سی سی آئی ہیڈ کوارٹر میں سلیکشن کمیٹی کے اجلاس کے بعد کیا گیا ہے۔ سوریہ کمار یادو کی قیادت والی ٹیم میں سنجو سیمسن اور ابھیشیک شرما کو بھی موقع دیا گیا ہے لیکن گیل کو نائب کپتان بنائے جانے کے بعد امید کی جا سکتی ہے کہ وہ اننگز کا آغاز کر سکتے ہیں۔
